بــلادى يا نبض العـــروبه . ياللى بإيدى بانيكى طـــــــــــــوبه طـــــــــــــــــوبه
بفــاسى زرعت أنا أرضك . و بإيدى شغلت مصانعك . وفـديت بروحى حبة رملك
لحم كتافى يا بلادى من خيرك . وماليش فى الدنيا وطن غيرك
مصر يا مقبرة الغـــــــــــــزاه . وعد اللى يعيش يبقى أســيرك
مش حرحم أى عميل ظلمك . و لا خائن أمله يسيل دمك . ولا همه لا همى و لا همك
مين قال على ثورة ينـاير . اللى صنعها مش الشعب . مين اللى لحقى يا ناس جاير . وعايز ينهبه منى نهب
دا إحنا الشعب أبطـال الثوره . ومصر دى همنـا وقدرنا . بلدنا عظيمــه . مش غنيـــمه . يتقاسمها عملاء بره
مصر دى قيمـــــــــــــــــــه . ربى إحفظها . ربى إحميها . وإنصرها عاليعــــــــاديها . إنصرها عاليعــــــاديها
عدوك يا مصرى أهو جنبك . وبيقولك إنه من أهلك . ما تصدقشى دا شيطـان . جى عشــان يشرب من دمك
يا مصرى بلدك بتضيـــــــع . و إنت بتتفرج عليهــا . وهان عليك دم الشهيــد . اللى مات علشــــــــــــانك فيها
مصر بلادك عايشه مؤامره . كل أبطالها عملا لبره . مين غيرك حيقــوم ينصرها . يا أملها يا شــارب ماء نيلها
ماشى ومغمض عينيك . ورا خــــاين باع بلده ودينـــه . رايح تخربهـــــــــا بإيديك . وشايف إنه الصح بعينـــه
ناسى مستقبـل ولادك . و تضحيـات قدمها أجدادك
مصر بلادك بتنــــــــاديك . يا مصرى قوم رد عليها . على صدرك ضمها بإيديك . وإمسح بحنـــان دمع عينيها
ما تسيبشى عميـل . يضحك على جيل . و يخلى عاليها يبقى واطيها دى أملها فى جيـــل . قادر يشيـــــل
همهـا . و بروحـه يفديها
بلادى يا نبض العـــــــــــــــــــــروبه . ياللى بإيدى بانيكى طـــــــــوبه طـــــــــوبه
لحم كتافى يا بلادى من خيــــــــــــرك . وماليش فى الدنيا وطن غيـــــــــــــــــرك
بسهر طول الليل أدعيلك . ومهما أبعد ألاقينى بجيلك . علشان شارب من مــاء نيلك
مصر يا مقبرة الغزاه . وعد اللى يعيش يبقى أسيرك . وعد اللى يعيش يبقى أسيرك