موضوع: رسالة الدكتور زويل للشعب المصري للخروج من الأزمة الأربعاء ديسمبر 21, 2011 7:26 pm
أولا تحياتى و خالص احترامى و مودتى لاعضاء المنتدى الكرام
أكيد أى كلام هيتقال عن اللى حاصل فى مصر هيكون اقل بكتير عن اللى بتختزنه مشاعر و نفس أى مصرى محترم يعرف قيمة بلده و يقدر حقيقى خطورة الوضع اللى احنا فيه
حبيت بس أشارك برسالة د. زويل اللى بيعرض فيها رؤيته للخروج من الازمة
يمكن قيمة كلام دكتور زويل مش بس بينبع من مكانته و قيمته العلمية و الوطنية ... لكن اكتر لأن رسالة دكتور زويل فيها حكمة و هدوء و الحقيقة هو ده اللى محتاجينه يمكن من عشر شهور من وقت تنحى مبارك كان ضرورى جدا نفهم ان الوضع الثورى كان يجب أن يتراجع فى مقابل تفعيل الحكمة المنزهة عن أى هوى أو انتماء سياسى
اتمنى فعلاأن تأخذ التيارات السياسية و المجلس العسكرى و القضاة و كل مصرى بما جاء فى رسالة د.زويل لأنها فعلا تعبر عن رغبة معظم المصريين و لأنها فعلا تبدو حيادية و عاقلة .. و لانها فعلا من أجل مصر
و اتمنى اكثر أن يظل دكتور زويل فى معمله و بين ابحاثه و اكتشافاته و ان يظل بعيدا عن مؤامرات السياسة و ألاعيبها .. فقط حتى لا نفقد ثقتنا فيه .. فقط حتى لا يتلوث كغيره ممن كنا فيما مضى نقدرهم .. فقط من أجل مصر
ربنا يحفظ مصر و يجنبنا شرور الفتن و يحقن دماء المصريين